Home » Ципрас: Пораката на Договорот од Преспа во овие денови на војна е уште поактуелна

Ципрас: Пораката на Договорот од Преспа во овие денови на војна е уште поактуелна

by Журнал.мк

– Во овие денови на војна, пораката на Договорот од Преспа е уште поактуелна, како порака за мир и солидарност на народите на континентот, кој поминува низ голгота од ужасите на војната, рече лидерот на СИРИЗА ,Алексис Ципрас во неговиот говор на почетокот од партискиот Конгрес, на кој се присутни и поранешниот премиер Зоран Заев и поранешниот министер за здравство Венко Филипче, јави дописничката на МИА од Атина.

Ципрас, меѓу другото се задржа на она што тие го направија како Влада и на оние теми за кои се горди, споменувајќи го и Договорот од Преспа.

– Горди сме што верувавме и го реализиравме, по секоја цена историскиот Договор од Преспа. Што не отстапивме и покрај притисоците и денес знаеме дека го сторивме правилното за земјата. Нашата патриотска должност. Договор кој ја врати европската перспектива на регионот кој акумулираше опасни тензии, оставајќи простор за засилување на трети сили на нашата северна граница. А неговата порака, во овие денови на војна е уште поактуелна, како порака за мир и солидарност на народите на континентот кој помиува низ голгота е од ужасите на војната, рече Ципрас.

Во продолжение, со оглед на тоа дека беа присутни, ги поздрави и им се заблагодари на Зоран Заев и Никос Коѕијас за постигнуањето на Договорот.

– Сакам, бидејќи ми се дава можност, не ми беше во план, но тука се пред мене, сакам да им се заблогодарам и на Зоран Заев и на Никос Коѕијас, што ја водевме битката, што им се спротивставивме на притисоците, што ја направивме нашата патриотска должност, рече лидерот на СИРИЗА.

Делот од говорот посветен на Договорот од Преспа, предизвика големи аплаузи и овации од присутните членови и симпатизери на СИРИЗА.

Поранешниот премиер Заев и поранешниот министер Филипче го следеа обраќањето на лидерот на СИРИЗА со кое беше означен и почетокот на конгресот, кои пред почетокот беа топло пречекани од поранешните министри од Владата на СИРИЗА, меѓу кои и поранешниот шеф на дипломатијата и архитект на Договорот од Преспа, Никос Коѕијас.

Во следните денови, за време на конгресот што ќе трае до недела, според информациите на дописничката на МИА од Атина, поздравен говор ќе им поранешниот македонски премиер Зоран Заев.

Третиот конгрес на СИРИЗА е под мотото „Нов почеток за политича промена“.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More