Home » Ципрас: ЕУ подобро да не дава ветувања што не може да ги исполни

Ципрас: ЕУ подобро да не дава ветувања што не може да ги исполни

by Журнал.мк

Подобро да не даваш ветувања, ако не си во позиција да ги исполниш, вели лидерот на СИРИЗА Алексис Ципрас во интервјуто за „Euroactiv”, говорејќи за европската перспектива на земјите од регионот и позицијата на ЕУ за Западен Балкан, јави дописничката на МИА од Атина.

-Одлуката на Европската Унија, на Самитот ја потврдува некредибилноста на Европа кон оние земји кои направија многу важни чекори и континуирано се одложува перспективата за датум за пристапни преговори. Подобро да не даваш ветувања, ако не си во позиција да ги исполниш, рече Ципрас.

Додаде дека се прашува каква ќе биде сликата во Украина која по брз постапка доби кандидатски статус, кога гледа дека овој статус не значи ништо и може да остане да чека многу години.

-Мислам дека ова е уште еден пример за неспособноста на Европската унија во целина да носи колективни одлуки со стратешки фокус. И мислам дека веќе плаќа за тоа и ќе го плати во иднина, истакна лидерот на СИРИЗА.

На прашањето дали поради актуелната ситуација во ЕУ перспективата на регионот, „џабе беше постигнат Договорот од Преспа”, Ципрас вели дека „сигурно не беше џабе, бидејќи е договор што го врати Западен Балкан на па тека на стабилност и нашиот регион во перспектива на мир и соработка далеку од влијанијата на третите сили во регионот, како што се Турција и Русија, кои имаа големо влијание на регионот”.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More