23.8 C
Skopje
Saturday, June 19, 2021

ЦДУ застана зад Армин Лашет како канцеларски кандидат, како ќе реагира Зедер?

Најчитани вести

Финале во борбата околу канцеларската кандидатура во Унијата: Претседателството на ЦДУ уште еднаш се определи за партискиот шеф Армин Лашет. Како ќе реагира конкурентот од ЦСУ, Маркус Зедер?

Претседателството на ЦДУ ноќеска, по неколкучасовни советувања, на вонредната седница со тајно гласање се изјасни партискиот лидер Армин Лашет да биде кандидат за канцелар на Унијата на изборите за Бундестагот. За Лашет гласале 31 член на гремиумот (77,5 проценти), а за Зедер – 9. Шестмина членови на Претседателството биле воздржани.

На почетокот на состанокот Лашет ја повторил својата аспирација за канцеларска кандидатура: „Станува збор за избор на најдобрите одговори на надоаѓачките предизвици, спремен сум да ја преземам кандидатурата“, изјавил 61-годишниот покраински премиер на Северна Рајна Вестфалија.

Контрахентот на Лашет, баварскиот премиер и лидер на ЦСУ, Маркус Зедер најави дека за темата ќе се изјасни напладне, од партиската централа на Христијанско социјалната унија. Претходно Зедер одлуката за канцеларската кандидатура на Унијата ја препушти во рацете на ЦДУ. „Ние од ЦСУ и јас лично ќе прифатиме секаква одлука“, истакна Зедер. Останува меѓутоа отворено прашањето дали и како ќе реагира базата на ЦДУ, каде постои се поголемо разногласие. Во анкетите на јавното мислење популарноста на Маркус Зедер како канцеларски кандидат е значително поголема од онаа на Армин Лашет и нему му се припишуваат поголеми шанси за победа на изборите за Бундестагот на 26 септември.

Повеќе вести

- Advertisement -spot_img

Најнови вести