13.8 C
Skopje
Wednesday, September 22, 2021

Хаос во Наполи!

Најчитани вести

Главна спортска тема во Италија утрово е побуната на играчите на Наполи. Веста во јавноста се појави после ремито со Салзбург во Лигата на шампионите (1:1).

Фудбалерите со дозвола на тренерот Карло Анчелоти ја одбиле наредбата на претседателот Аурелио Де Лаурентис. Де Лаурентис после поразот од Рома во Серија А им нареди на играчите една недела да поминат во карантин за подобро да се спремат за натпреварите со Салзбург и Џенова.

Незадоволните фудбалери се побуниле и после натпреварот место во карантин си заминале во своите домови. Истото го направиле и вчера после натпреварот со Салзбург.

Освен тоа Карло Анчелоти одби даде изјава и не се појави на редовната прес-конференција после натпреварот. За медимуте одби да зборува и Фернандо Љоренте. Поради ова веројатно клубот го чека казна од УЕФА.

Во Лигата на шампионите Наполи е блиску до пласман во следната фаза, имаат бод помалку од водечкиот Ливерпул и чтири повеќе од третопласираниот Салзбург. Од друга страна во Серија А тимот после 11 кола веќе заостанува 11 бода од лидерот Јувентус.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com