Home » Халили: Францускиот предлог е комбинација на португалскиот со некои бугарски барања

Халили: Францускиот предлог е комбинација на португалскиот со некои бугарски барања

by Журнал.мк

Претседателот на Советот на амбасадори Мухамед Халили смета дека ние го дадовме нашиот придонес за состојбите во решавањето на спорот со Бугарија.

-Го имавме работниот текст кој произлегува од Европската комисија и Совет за општи работи. Таму се виде дека има интервензии и бришење на некои работи, што е разбирливо за работен текст. Целосно тоа што е пишано е тоа. Нас никој не ни доставува такви документи, но ги бараме по сајтови, вели Халили за францускиот предлог.

Според него, се додека еден документ нема дефинитивна форма, тоа е прилика да се разговара внатре во рамките на Владата.

-Надворешната политика не е само таргет на Владата, тука е министерот, премиерот и претседателот на државата. Се додека до последно немаме изразено јасен став од тие што го предлагаат тоа, не може дефинитивна оценка да дадеме, рече Халили.

-Мислам дека има грешка во пласирање на информациите. Ова е француски предлог, но не е чисто француска материја оти во овој предлог од Париз се бара разрешување на јазолот меѓу Скопје и Софија, за да се зачекори во иднината. Францускиот предлог е комбинација на португалски предлог, пренесен преку дипломатијата на Франција и некои бугарски барања, кои се сместени во делот на заклучоците на Советот на општи работи дека и билатералните работи треба да бидат составен дел на преговарачката рамка со Унијата, додаде Халили во емисијата „Утрински брифинг“.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More