Фудбалската репрезентација се враќа со бод од Израел

Share on facebook
Share on twitter
Share on whatsapp
Share on google
Share on linkedin
Share on email
Share on print

Фудбалската репрезентација на Северна Македонија одигра нерешено 1:1 (0:0) на гостувањето против Израел во групата „Г” натпревар од квалификациите за ЕП 2020 година.

Иако Израелците беа фаворити, тоа на теренот воопшто не се забележа и македонскиот тим имаше доста шанси, кои не успеа да ги реализира.

Израел го отвори резултатот после десетина минути игра во второто полувреме преку нивниот најдобар играч Еран Захави.

Аријан Адеми со гол во 65-та минута го обезбеди бодот за нашата репрезентација по фантастичниот центаршут на Егзијан Алиоски.

Елиф Елмас во судиското продолжение од мечот имаше голема шанса да донесе победа за „црвено-жолтите”, откако излезе сам пред противничкиот голман но реши да проигра, наместо да реализира.

Ова е второ реми за нашиот национален тим и по овој меч се наѓаме на петтата позиција со 5 освоени бода (1 победа, две реми и два порази).

Во понеделник избраниците на Ангеловски играат со Летонија во Рига.

Џ.И.

Оставете коментар

Актуелно

@2019 – Новинска агенција ЖУРНАЛ. Сите права се задржани.

Димитрие Чуповски 4/2-11, Скопје, Република Македонија. Телефон: 02/3217-815
Овој материјал не смее да се складира, издава, емитува, препишува и повторно да се дистрибуира во каква било форма, без писмена дозвола од ЖУРНАЛ.
Секој упад и злоупотреба на интернет страницата на ЖУРНАЛ е казнив по членовите 251 и 251a од КЗ на Република Македонија.