Веќе подолго време како папараците не го фотографирале расположен и насмеан холивудскиот актер Бен Афлек (50), а сега конечно го „уловиле“ со широка насмевка на лицето додека бил во прегратките на неговата поранешна сопруга, Џенифер Гарнер (51).
Поранешниот пар овој петок биле фотографирани во Фиренца, каде што и двајцата се на летен одмор.
Бен, облечен во сиви фармерки, тегет кошула и патики Најк, изгледал пресреќен што ги виде своите деца откако поминал цела недела на одмор со сопругата Џенифер Лопез.
Славниот актер бил „фатен“ како нежно ја гушка Џенифер, со која ги има 17-годишната ќерка Виолет, 14-годишната Серафина и 11-годишниот син, Семјуел. Актерот пристигнал во Италија со приватен авион како би се сретнал со нив, пишувале „Дејли меил“.
Ова не би било необично, доколку Бен и Џенифер не беа во лоши односи долго време, дури и по разводот.
Тој често бил фотографиран во лошо расположение, а во последните неколку месеци постојано се зборува за неговите појавувања во друштво на сопругата Џенифер Лопез и нивните јавни кавги, како и за неговите „тмурни“ фацијални експресии кога и да е со неа.
Да потсетиме, Бен и Џенифер се запознале на заедничкото снимање на филмот „Перл Харбор“, а се венчале во 2005 година. Заедно имаат 3 деца, а во брак останале 10 години.
Џенифер се грижела за Бен и по разводот и му била огромна поддршка при неговото откажување од алкохолот.
По разводот, тој набргу ја обновил љубовта со Џенифер Лопез, со која сега е во брак.
