Home » Финале за македонските каратисти Стојановиќ и Трајковски на Светското првенство во Коња

Финале за македонските каратисти Стојановиќ и Трајковски на Светското првенство во Коња

by Журнал.мк

Одлични вести на третиот ден од Светското првенство за кадети, јуниори и помлади сениори У21 во карате што се одржува во Коња, Турција.

Македонските репрезентативци во категориите У21 кумите -84 кг на Витомир Трајковски и +84 кг на Стефан Стојановиќ успеаја да се изборат за финале на најелитното младинско карате првенство во светот. Според најавите двете финалиња ќе се одржат во недела.

Трајковски во првиот круг го елиминираше натпреварувачот од Индија, Гири Пранјал, со резултат 8:0, во второто коло извојува победа со 3:0 против Словенецот Тимотеј Јордан, а во третиот круг го победи натпреварувачот од Катар, Абдула Бабикр, со 2:1.

Потоа, во четвртиот круг го совлада Хусејн Хусејнзаде Азербејџан победи со 1:0 со што се пласираше во полуфиналето каде со 2:0 против каратистот од Мароко, Ашраф Хбила успеа да се избори за финале.

Стојановиќ во првото коло го победи Гркот Карвоунис Сергиос со 2:0, во вториот круг извојува победа со 1:0 против натпреварувачот од Косово, Мирлинд Реџепи, во третиот круг извојува победа против Американецот Едуард Сагилиан со 2:1, во четвртиот круг го победи босанскиот натпреварувач Анес Бостаџиќ со 2:1 со што и тој се пласираше во полуфиналето, а по 4:0 над Осман Османли исто така успеа да се избори за финале.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More