21.8 C
Skopje
Friday, July 30, 2021

Филипче: За какви провизии и фантомски фирми сме обвинети, кога средствата се вратени

Најчитани вести

Министерот за здравство, Венко Филипче ги отфрла сите обвинувања за незаконски дејствија во врска со набавката на кинеските вакцини, откако италијанскиот медиум „Ла Верита” објави дека наводно Кина го вратила авансот за вакцините на Синофарм, заради некаква фантомска фирма која била користена во процесот.

Тој тврди дека при комуникацијата за набавка на 200.000 кинески ванкцини од Синофарм, не е направена каква било нерегуларност, туку некој свесно се обидува да го поткопа целоот процес на имунизација.

„Објавените писма од Ла Верта се писма за намера какви што Министерството за здравство има испратено до многу компании,кои помагаат или посредуваат за набавка на вакцини против Ковид 19. Вакви писма и комуникации владата има со компании од САД, Австрија и други земји. На ист начин е обидот да се набават вакцини и од Синофарм. Од самиот почеток нашата земја ги почитува сите процедури за набавка на вакцини и со овој производител“, рече Филипче.

Министерот го објасни начинот за набавка на вакцини од кинескиот производител.

„Првиот обид за набавка на кински вакцини беше директно со Синофарм, МНР на Кина и амбасадата во Скопје. Откако не добивме повратни информации од таму, се обидовме преку сите можни канали, бидејќи должност ни е час поскоро да обезбедиме вакцини и тоа е нормална пракса секаде во светот. Така стапивме во контакт со фирмата која се понуди да ни помогне во набавката. Во сите постапки кои се водеа, ја вклучивме и нашата амбасада во Пекинг, која стапи во контакт и со кинеското МНР. Тогаш тамошното Министерство за надворешни работи, ни кажа дека во постапката не ни е потребна фирма посредник туку тие ќе се ангажираат и вакцините ќе ги набавиме директно од производителот Синофарм. Владата го повлече авансот и ја продолжи постапката согласно насоките од МНР на НР Кина. Ние и со фирмата посредник стигнавме до вакцините, но препораката од кинеското МНР беше друга и ние ја испочитувавме, овде нема ништо сомнително“, истакна Филипче.
Вели дека не станува збор за никава манипулации,туку едноставно ги пратат насоките од кинеското Министерство за надворешни работи, а кога би имало манипулација сигурно би имало и некаква финансиска штета.
„За какви провизии и фантомски фирми сме обвинети, кога средствата се вратени“ истакна Филипче.
Што се однесува до манипулацијата дека МЗ склучило договор со кој Синофарм се ослободува од одговорност за ефектите од вакцината министерот појасни дека станува збор за целосно непознавање на договорите од овој тип. Имено ова е вообичаена пракса и составен дел од сите договори при набавка на вакцини, објасни министерот.

„Тоа е пракса за буквално сите договори за кои ние сега преговараме и ги разбираме производителите зошто е тоа на нивно барање. Свесни сме дека со тоа земаме голема одговорност и свесно ние тоа го правиме кога е во прашање здравјето на нашите граѓани. Свесно ја земаме таа обврска не само за оваа туку за сите вакцини кои ќе дојдат во земјава“, рече Филипче.

Министерот Филипче ги осуди сите овие обиди да се фрли дамка на овој процес во една чувстителна ситуација кога во тек е вакцинација во нашата земја.

„Сметам дека со ова се опозицијата се обидува да го наруши угледот, да го копромитира процесот и со тоа да го загрози целокупниот процес на продолжување на имунизацијата во нашата земја . Сметам дека со ова некој сака да има политички бенефит, да поентира,а цената да биде здравјето на нашите граѓани“, истакна министерот Филипче.

Повеќе вести

- Advertisement -spot_img

Најнови вести