ФЕИТ ги отфрли наводите во документарецот на ИРЛ

За документарецот на ИРЛ се огласи и Факултетот за електротехника и информациски технологии. Оттаму тврдат дека во истражувањето биле изведени погрешни заклучоци и инсинуации поврзани со вештиот наод и мислење, со кои, како што велат, се нарушуваат достоинството и реномето на Факултетот.

„Вештачењето направено по наредба од Обвинителството од Тетово е стриктно насочено кон конкретните прашања поставени од Обвинителството. Факултетот ги отфрла сите обиди за уривање на неговиот кредибилитет и интегритет со изведување погрешни заклучоци и нестручни тези“, се вели во реакцијата на Факултетот.