17.8 C
Skopje
Monday, August 15, 2022

Фасцинантна глетка: Телескопот Џејмс Веб со нова детална слика од исклучително необична галаксија

Најчитани вести

Исклучително необична галаксија која, како што сугерира и нејзиното име, наликува на тркало, настанала како резултат на силен судир помеѓу две помали галаксии.

ВО ЖИВО: НАСА објавува нови фотографии од телескопот Џејмс Веб

Тимот кој стои зад вселенскиот телескоп Џејмс Веб ја претстави најновата слика – портрет на галаксијата Тркало, светол објект кој се наоѓа на 500 милиони светлосни години од Земјата, а настанал како резултат на судир на две галаксии.

Веб неколку пати нè воодушеви со слики од вселената, а најновата снимка со нијанси на розова, црвено-портокалова и сина боја едноставно одзема здив. Галаксијата Тркало спаѓа во категоријата леќеста галаксија и се наоѓа во соѕвездието Кипар. Од НАСА велат дека, за разлика од пораспространетите спирални галаксии, галаксиите како оваа галаксија се многу ретка глетка.

ФОТО: Погледнете ги најдеталните фотографии од универзумот досега кои ги објави НАСА

Судирот што ја создал структурата на двојниот прстен е како „круговите што се создаваат во езерце откако ќе фрлите камче во него“, велат од НАСА. Внатрешното јадро се состои од прашина, додека најсветлите делови на прстенот кријат роеви млади ѕвезди. Надворешниот прстен се шири веќе 440 милиони години, предизвикувајќи формирање на ѕвезди додека надворешниот прстен удира во гасот што орбитира околу сè.

Галаксијата Тркало првпат беше регистрирана од телескопот Хабл, но Веб ја сними со многу поголеми детали благодарение инфрацрвените капацитети. Првиот снима бранови должини од 0,6 до 5 микрони, што може да се види на сликата во сина, портокалова и жолта боја, додека вториот снима бранови должини од 5 до 28 микрони и е одговорен за црвената боја на сликата.

Прва слика од вселенскиот телескоп „Веб“: Гледаме можности кои никој претходно не ги видел

Телескопот Веб штотуку почна да ги осветлува тајните делови на нашиот универзум, а со текот на времето дури и ќе ни помогне во потрагата по вонземјани. Патувањето, заклучува „Gizmodo“, само што започна!

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com