На само една и пол недела пред предвремените претседателски избори во Еквадор убиен претседателскиот кандидат, Фернандо Вилависенсио. Непознати лица пукале врз 59-годишникот кога влегувал во автомобилот по завршениот митинг.
„Требаше да има поголема заштита, блиндиран автомобил. Го видовме пред неколку часа и не можам да верувам дека е мртов. Беше незаштитен“, изјави поддржувач на Фернандо Вилависенсио.
Еден од осомничените е тешко повреден и уапсен, а подоцна се приведени уште шест осомничени лица. Во престрелката се повредени уште девет луѓе, меѓу кои и кандидатка за парламентарните избори и двајца полицајци. Вилависенсио беше еден од 8-те кандидати и борбеник против корупцијата. Поднесе многу судски жалби против високи членови на владата на Кореја, вклучително и против поранешен претседател. До пред убиството добил најмалку три закани. Властите инцидентот го оценија како терористички чин.
