Home » Турција годинава на Балканот извезла роба во вредност од 15,7 милијарди долари

Турција годинава на Балканот извезла роба во вредност од 15,7 милијарди долари

by Журнал.мк

Турскиот извоз на Балканот за девет месеци од годинава е зголемен за 24,9 отсто во однос на истиот период лани и достигнал речиси 15,7 милијарди долари.

Според податоците кои агенцијата Анадолија ги добила од Собранието на турски извозници (ТИМ), во првите девет месеци од годинава во балканските земји е остварен извоз во вредност од 15 милијарди и 698 милиони долари, а се однесува на Македонија, Албанија, Босна и Херцеговина, Бугарија, Хрватска, Црна Гора, Косово, Романија, Србија, Словенија и Грција.

Во истиот период лани, извозот изнесувал 12 милијарди и 571 милион долари.

Најголем извоз во споменатиот период меѓу балканските земји е остварен во Романија (4,7 милијарди долари), потоа Бугарија (3,4 милијарди долари), Грција (2,1 милијарди долари), Србија (1,3 милијарди долари) и Словенија (1,2 милиони долари).

Извозот на Турција во Албанија изнесува 742,8 милиони долари, потоа Босна и Херцеговина (548,1 милиони долари), Македонија (488,5 милиони долари), Косово (483,1 милиони долари), Хрватска (439,1 милиони долари) и Црна Гора (118,6 милиони долари).

Извозот на Балканот е зголемен во 10 земји во периодот јануари-септември годинава во однос на истиот период во 2021 година. Во една земја е намален.

Во овој период најголем раст на извозот е остварен во Црна Гора со 60,2 отсто. По Црна Гора, земја со најголем пораст на извозот меѓу балканските земји е Албанија со 43,4 отсто. Извозот во Бугарија е зголемен за 34,9 отсто, Романија (34,1 отсто), Македонија (29,4 отсто), Хрватска (28,2 отсто), Србија (24,0 отсто), Косово (21,5 отсто), Босна и Херцеговина (21,3 отсто) и Грција (7,8 отсто). Извозот во Словенија е намален за 3,1 отсто.

Кога станува збор за извозот во балканските земји по градови, најголем бил од Истанбул и изнесувал 7,5 милијарди долари. Со оваа сума, Истанбул учествувал со 47,9 отсто од извозот од 15,7 милијарди долари во балканските земји.

Секторот хемиски материјали и производи остварил најголем извоз на Балканот. Во овој период, секторот хемиски материјали и производи извезол 2,8 милијарди долари во земјите од Балканот.

По овој сектор следат челикот, автомобилската индустрија, црните и обоените метали, електричната енергија и електрониката.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More