Во државава е регистриран нов случај на заразено лице со конго-кримската хеморагична треска, соопштија од Институтот за јавно здравје. Станува збор за 42-годишен маж од Велес. Имал симптоми. Лицето е хоспитализрано на Клиниката за инфективни болести. Се очекува потврда дали вирусот лицето го добило од каснување од крлеж или од директен контакт со веќе заразена личност.
Ова е трет регистриран случај, откако минатиот месец беше откриен кај 27-годишната штипјанка, која почина кратко по дијагностицирањето на вирусот.
На болничко лекување е болничарка од инфективната клиника која прима антивирусна терапија и според последните податоци е во стабилна здравствена состојба. Во изолација се11 лица кои имале контакт со заразената болничарка, од нив 10 се од потесното семејство.
Конго-кримската хеморагична треска се пренесува преку убод од заразен крлеж, а може да се пренесе и преку директен контакт со контаминирана крв. Болеста е смртоносна во 40 проценти од случаите и има брза прогресија.
