20 C
Skopje
Saturday, February 27, 2021

Трамп се откажа од планот самитот на Г7 да се одржи во неговиот хотел

Најчитани вести

Американскиот претседател Доналд Трамп ги откажа плановите за одржување на следниот самит на Г7 во неговиот голф клуб во Мајами, на Флорида.

Тој минатата недела предложи самитот да се одржи во неговиот хотел „Дорал“, но се откажа по бројните критики, пренесува „Глас на Америка“.

Трамп на Твитер ги обвини медиумите и демократите што се спротивставија на одржувањето на самитот во „Дорал“.

– Мислев дека правам нешто многу добро за нашата земја, да ги пречекам лидерите на Г7 во хотелот „Дорал“, кој е голем, лоциран до меѓународниот аеродром во Мајами, има одлични сали и секоја делегацијата ќе има зграда од 50 до 70 соби. Реков дека ќе го сторам тоа без профит или ако е законски дозволено, без трошоци за САД. Сепак, како и обично, непријателските медиуми и нивните демократски партнери полудеа, напиша Трамп на Твитер.

Тој најави дека ќе се разгледаат други локации за одржување на самитот, меѓу кои и Кемп Дејвид, претседателската резиденција во Мериленд.

Повеќе вести

- Advertisement -

Најнови вести