Тотенхем во идната сезона би можел да има нов стоперски тандем. Двајцата нови играчи би дошле од Бундеслигата, поточно од тимовите на Волфсбург и на Баер Леверкузен.
Наводно тимот од Лондон веќе постигнал договор за играчот Мик Ван де Вен, кој игра како стопер во Волфсбург. Условите со играчот се веќе договорени, сега останува само двата клуба да постигнат договор.
Вториот фудбалер кој би можел да замине во Лондон е Едмонд Тапсоба од Баер Леверкузен. Раководството на тимот веќе имал усмен договор со играчот и тој во следните часови би требало да биде дел од Тотенхем.
Во исто време од клубот истакнуваат дека прават напори да го задржат најдобриот играч Хари Кејн, кој е пред трансфер од Баерн Минхен.
