Тачи го поздрави именувањето на специјалниот американски пратеник за преговорите Приштина – Белград

0

Косовскиот претседател Хашим Тачи го поздрави иманувањето на американскиот амбасадор во Германија Ричард Гренел за специјален пратеник на претседателот Трамп за мировните преговори меѓу Косово и Србија, јави дописникот на МИА од Приштина.

Тачи на својата страница на Фејсбук напиша дека именувањето на Гренел претставува потврда дека американската држава „останува покрај Косово во овој значаен чекор”.

– Ова именување е уште еден доказ дека претседателот Трамп, американската администрација, целата американска држава остануваат покрај Косово во овој значаен чекор. Сега сме уште по посветени на процесот на дијалогот и на можноста да постигнеме признавање од Србија и зачленување во Обединетите ации и така да ја заокружиме меѓународната консолидација на нашата држава, напиша Тачи.

Именувањето на Гренел, според косовскиот претседател, е „добра вест и за регионот и за сите оние кои се залагаат за опстоен мир, за развој и за подобар живот за сите држави на Југоисточна Европа”.

– Сме кажале секогаш и веруваме секогаш дека сме среќни што покрај себе ги имаме Соединетите Американски Држави, напиша Тачи.