81
Вчера свадбена веселба во Охрид поради употреба на огнено оружје од гостин, за малку ќе завршеше трагично. Од СВР-Охрид информираат дека околу 13 часот било пријавено дека 60-годишниот К.Б. од Охрид испукал неколку куршуми од пиштол Зстава-7-62 милиметри, при што 39-годишниот И.С. и неговиот малолетен син се здобиле со повреди.
Тие биле згрижени во охридската општа болница, а како што пренесува дописникот на МРТ од Охрид, шестгодишното дете имало прострелни рани на двете стапала поради што е задржано на лекување, додека неговиот татко по санирање на раната на ногата е испратен на домашно лекување.
Против К.Б. ќе биде поднесена соодветна пријава.
