Home » Таман заврши драмата со Деп и Амбер сега Анџелина и Бред Пит ПАК НА СУД

Таман заврши драмата со Деп и Амбер сега Анџелина и Бред Пит ПАК НА СУД

by Журнал.мк

Бред Пит и возврати на поранешната сопруга Анџелина Џоли во тековната правна битка за продажба на нејзиниот удел во заедничко лозје лоцирано во Франција.

Двајцата неколку пати беа на суд откако Анџелина (47) поднесе барање за развод од Бред (58) во 2016 година.

Отпрвин тоа беше за старателството над нивните шест деца, а сега тие се караат за лозјето, Шато Миравал СА.

Се наоѓа во селото Коренс на југоистокот на Франција, имотот се состои од куќа и лозја, а поранешните сопружници го купиле за околу 25 милиони евра.

Меѓутоа, во новите правни документи, адвокатите кои го застапуваат Бред Пит тврдат дека под негово раководство бизнисот прераснал во „приказна за меѓународен успех вредна милиони долари“, додека Анџелина „не придонела ништо“.

Беше кажано дека Бред учествувал со 60 отсто од куповната цена, додека актерката ги платила останатите 40 отсто.

Во документите се наведува дека Анџелина го продала својот дел на производител на алкохолни пијалоци со седиште во Луксембург, во сопственост на рускиот олигарх Јуриј Шефлер, без знаење на Бред.

„Преку наводната продажба, Џоли се обиде да му наштети на Пит“, тврди неговиот адвокатски тим.

„Џоли знаеше и имаше намера Шефлер и неговите соработници да се обидат да го контролираат бизнисот што Пит го изгради и да ја поткопа инвестицијата на актерот во Миравал“.

Се додава дека Шефлер станал „озлогласен“ поради, како што се наведува, груби деловни тактики и сомнителни професионални здруженија, а поврзаноста со него го „загрозува угледот на брендот што Пит толку внимателно го изградил“.

„Сето ова е директен резултат на незаконското и неправедно однесување на Џоли“, изјавија тие.

Адвокатите на Бред додадоа: „Со прекршување на договорот на страните, Џоли се обиде да го натера Пит да биде партнер со странец, а уште полошо, странец со отровни и коруптивни намери“.

Неговиот правен тим, исто така, рече дека бизнисот со вино на имотот продолжува да цвета и тврди дека „иако таа имала корист од успехот на Миравал, Џоли не била вклучена во овие напори“.

Се наведува дека Анџелина го известила својот поранешен сопруг за нејзината одлука да му го продаде делот на Шефлер во јануари 2021 година, велејќи дека донела „болна одлука, со тешко срце“.

Адвокатите на Бред побараа судење пред порота.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More