11 C
Skopje
Sunday, February 28, 2021

Судскиот совет ќе проверува кои судии го уриваат угледот на судството

Најчитани вести

Судскиот совет бара до Нова година да ги добие сите податоци за несработени и застарени случаи на судиите. Во дописот до претседателите на судовите, претседателот на Судскиот совет Киро Здравев пишува дека барањето е во интерес на враќање на довербата на граѓаните во судската власт. Имаат рок од една недела односно до 27 декември да одговорат на барањето. Здравев бара конкретни бројки за:

– број на стари нерешени предмети по години, видови и судии

– застарени кривични предмети со образложени причини за застарување и

– какви мерки се преземени од Претседателот на судот за решавање на старите предмети согласно програмата и акцискиот план за спроведување на програмата

Денеска Антикорупциската комисија пак соопшти дека подготвува методологија според која ќе го проверува имотот на судиите.

„Во тек сме на утврдување на методологија – кои од судиите ќе биде избран за проверка. Следната недела ќе побараме податоци за работата на судиите од Републичкиот судски совет и врз основа на тие податоци ќе констатираме дали проверката ќе биде врз основа на ефикасноста на нивната работа, кој колку предмети сработил. Дополнително ќе ги утврдиме критериумите и врз основа на нив ќе направиме избор на примерок“, вели претседателката на ДКСК, Билјана Ивановска.

Ваквите чекори на Судскиот совет и Антикорупциската следуваат по се позачестените критики и незадоволство за работата на судиите и обвинителите.

Повеќе вести

- Advertisement -

Најнови вести