Home » Столтенберг: Соработката против ПКК е разумна и важна

Столтенберг: Соработката против ПКК е разумна и важна

by Журнал.мк

Генералниот секретар на НАТО, Јенс Столтенберг изјави дека сите членки на Европската Унија (ЕУ), вклучително и Шведска и Финска, ја сметаат ПКК за терористичка организација и оти соработката против таа организација е многу разумна и важна, јави агенцијата Анадолија.

Столтенберг присуствуваше на седницата на Европскиот парламент за соработката меѓу ЕУ и НАТО и резултатите од Самитот во Мадрид и одговараше на прашањата на претставниците, информира агенцијата.

Осврнувајќи се на прашањето за поддршката на Украина, Столтенберг рече дека сегашниот фокус е на давање поддршка за да ѝ се помогне на Украина да ја надмине целокупната ситуација како независна и суверена нација.

– Фокусот сега не е членството, туку секако помошта, поддршката и модернизацијата на одбраната и безбедноста на институциите. Она што го правиме ќе ја приближи Украина до членството во еден момент, рече генералниот секретар на НАТО.

Во врска со трилатералниот договор постигнат меѓу Турција, Финска и Шведска, Столтенберг рече дека Меморандумот е јавен и оти секој може да ја прочита неговата содржина, односно што е потпишано.

Тој изјави дека главната порака во Меморандумот е дека трите земји повеќе ќе соработуваат во борбата против тероризмот.

– Според ЕУ, ПКК е терористичка организација. Шведска, Финска и сите членки на ЕУ ја сметаат ПКК за терористичка организација. Споделувањето разузнавачки информации, соработката и одговарањето на барањата за екстрадиција се разумни и важни, рече Столтенберг, пренесува Анадолија.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More