20.8 C
Skopje
Tuesday, July 27, 2021

Српските туристи на Табановце добиваат бесплатни картички за патарини

Најчитани вести

На српските патници кои со автомобил доаѓаат во земјава, на граничниот премин „Табановце“ од денеска им се делат м-смарт картички со која ќе може бесплатно да поминуваат на патарините до граничниот премин со Грција.

На картичките има кредит од 760 денари , колку што е потребно за поминување на коридорот 10 во двата патни правци.

Досега се изработени 65.000 картички и се предадени на МВР кое ќе издава по една за секој автомобил.

За оваа намена владата издвои 172 милиони денари за набавка на 200 000 картички кои ЈП за државни патишта ќе ги изработува сукцесивно.

Српските државјани ќе можат да ги искористат бесплатните патарини до 15 август, но м-картичките ќе можат да ги задржат и понатаму да ги користат со надополнување на кредит од најмалку 300 денари.

Владината одлука за ослободување од плаќање на патарини за српските туристи за време на летниот период беше донесена на 25 мај, а следуваше во знак на благодарност кон Србија за донацијата од вакцини против Ковид-19.

Повеќе вести

- Advertisement -spot_img

Најнови вести