Министерката за одбрана Славјанка Петровска денеска во Министерството за одбрана оствари средба со амбасадорот на Народна Република Кина, Џанг Ѕуо и со новопоставеното одбранбено аташе, полковник Хуанг Хе.
Министерката Петровска на денешната средба изрази голема загриженост за руската агресија врз Украина, која претставува кршење на меѓународното право и постулатите на Обединетите Нации.
Таа упати уште еднаш благодарност за донациите од НР Кина за нашата земја во борбата против “COVID-19”
Петровска му честиташе на полковникот Хе за новата работна задача и му посака успешна работа како одбранбено аташе во Република Македонија.
Амбасадорот Ѕуо рече дека Кина внимателно ги следи случувањата во Украина и изразува силна поддршка за светскиот мир. Кина се залага за решение на ситуацијата меѓу Русија и Украина по пат на дијалог и за трајна европска безбедност.
Министерката Петровска и амбасадорот Ѕуо се согласија дека двете земји одржуваат пријателски односи и имаат успешна билатерална соработка која ќе продолжи во иднина.
