17.8 C
Skopje
Sunday, July 25, 2021

Србија подготви дигитален сертификат за вакцинација

Најчитани вести

Во пресрет на попрецизни упатства на ЕУ, Србија веќе подготви дигитален сертификат за вакцинација што ќе го олесни движењето и патувањето надвор од земјата, рече српската министерка за трговија, туризам и телекомуникации, Татјана Матиќ.

Таа изјави за Радио телевизијата на Србија (РТС) дека одредени земји, вклучувајќи ги Грција, Израел и Словенија, веќе се заинтересирани за преговори за признавање на сертификатите.

Матиќ рече дека не станува збор за т.н. ковид – пасоши, туку за друг вид документи.

„Дигиталниот сертификат кажува кога сте биле вакцинирани или сте го прележале вирусот или сте направиле ПЦР-тест и сте негативни“, објасни Матиќ за РТС, наведувајќи дека се очекува ЕУ да обезбеди попрецизни информации за изгледот и методот на издавање на сертификатот.

Една опција, рече таа, е дигиталниот сертификат да постои во форма на апликација за мобилен телефон, со потребните проверки и безбедносна верификација.

Во исто време, Матиќ рече дека граѓаните мора да разберат дека клучот за слободно движење и патување е масовната и брза вакцинација.

Во Србија се дадени 1.704.790 дози вакцини од крајот на декември минатата година, додека 623.424 примиле по две дози.

Повеќе вести

- Advertisement -spot_img

Најнови вести