Ентони Џошуа, очигледно, не можеше да се воздржи по поразот од Олександер Усик, кој поставува многу прашања за иднината на поранешниот шампион во тешка категорија, откако по бизарното однесување во рингот, за малку ќе се степаше со еден фан.
По мечот, кога одеше кон соблекувалната, Џошуа беше во добро расположение со своите луѓе околу него, но откако еден фан му извика да „остане професионален“, тој ја загуби контролата и мораше да биде спречуван од обезбедувањето.
„Кому му зборуваш? Кому ти е.ано зборуваш? Дали си луд?“, викаше Џошуа.
Претходно, тој фрли два од појасите на Усик надвор од рингот, пред да го напушти. Но, потоа, се врати во рингот и го грабна микрофонот.
„Ако ја знаете мојата приказна ќе ја знаете страста. Јас не сум аматер. Требаше да одам во затвор, пред да можам да боксувам. Го крадам ова од Усик, извини, но страста е тука“, велеше Џошуа.
