Home » Состанок на министрите за финансии на Г20

Состанок на министрите за финансии на Г20

by Журнал.мк

Во Вашингтон за денеска е најавен состанок на министрите за финансии на Групата 20 најразвиени индустриски земји во светот и земјите во развој. Средбата ќе се фокусира врз состојбата на глобалната економија, последиците од војната во Украина и вакцините против ковид-19. Од овој состанок, како што е соопштено, нема да има конечна декларација со заеднички цели, но војната на Русија во Украина, како што се додава, немало да остане без коментар. Американската министерка за финансии Џенет Јелен изјави дека ќе прескокне некои сесии на Г-20 во знак на протест поради рускиот напад врз Украина и ќе ги повика членките на Меѓународниот монетарен фонд и Светската банка да го зголемат притисокот врз Москва.

Одлуката на Јелен да избегне некои седници на кои ќе има руски официјални лица го нагласува ставот на САД дека Русија треба да биде исклучена од глобалните финансиски институции поради нејзината инвазија, велат претставници на американското Министерство за финансии. Рускиот министер за финансии Антон Силуанов може да присуствува на некои делови од состанокот на Г-20, велат американските претставници, повторувајќи ги неодамнешните коментари на Јелен дека за Русија повеќе не може да биде „како и обично“ во Г-20 и другите меѓународни институции. Вашингтон и неговите сојузници дополнително ќе продолжат со консултации за санкциите наметнати против Русија, со фокус врз спречување на избегнување на санкциите наметнати претходно.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More