Додека Тотенхем е во центарот на вниманието на англиските медиуми поради нејасната иднина на првата ѕвезда Хари Кејн, од Соединетите Американски Држави стигнаа информации за сериозни обвинувања на сметка на сопственикот Џо Луис.
Британскиот милијардер може да заврши и во затвор, откако обвинител од Њујорк тврди дека споделувал инсајдерски информации со кои им овозможил на многу луѓе да се збогатат на берзата.
Луис имал пристап до доверливи информации на големи компании и ги споделувал истите со своите љубовници, вработени и пријатели, при што истите профитирале на берзата, тврди обвинителството.
– Ова се противзаконски потези и класично мамење, па Луис ќе одговара пред правниот систем во Њујорк, – изјавил обвинителот Демиан Вилијамс.
Тотенхем утринава излезе со соопштение во кое одбива да го коментира случајот, бидејќи тој не е поврзан со фудбалскиот клуб.
