2.8 C
Skopje
Tuesday, December 7, 2021

Собранието треба да ја продолжи расправата за Националната стратегија за спречување на корупцијата

Најчитани вести

Собранието денеска ќе ја продолжи 32-та седница на чиј дневен ред е расправата по Националната стратегија за спречување на корупцијата и судирот на интерес 2021-2025.

Расправата по предлог стратегија пратениците ја почнаа вчера.

Претседателката на Државната комисија за спречување на корупцијата (ДКСК) Билјана Ивановска, пред пратениците, посочи дека петгодишната Национална стратегија што ја изработи ДКСК е прв документ од областа на борбата против корупцијата што се усвојува на највисоко ниво, и во него се детектирани 12 секторски приоритетни проблеми меѓу кои правосудството, медиумите, вработувањето во јавниот сектор, процесот на јавни набавки, спроведувањето на надлежностите во јавниот сектор…

-Успешната антикорупциска политика е дел и од процесот на евроинтеграции, а стратегијата е темел за унапредување на законската рамка и преземање на реформски активности. ДКСК примени широк, инклузивен и транспарентен процес во подготовката и изработката на стратегијата со учество на претставници на државни органи, институции, здруженија, фондации, приватен сектор, медиуми, но и претставници од Делегацијата на Европската Унија, ОБСЕ, РАИ и ИРИ, рече Ивановска.

Пратениците од опозициската ВМРО-ДПМНЕ, во текот на вчерашната расправа рекоа дека ќе го поддржат носењето на Стратегијата, бидејќи таа е важна за државата и од нејзините резултати ќе зависи и напредокот во евроинтеграциите, но изразија сомнеж во капацитетот на власта за нејзино спроведување.

За пратениците од власта, ова е вистинска стратегија во вистинско време, а нејзината имплементација зависи од сите.

На дневен ред на 32. седница се останати повеќе предлог законски решенија, но и годишни извештаи за работа и финансиски планови за работата на државни институции и независни регулаторни тела. За дел од точките на дневен ред расправата е завршена на некое од минатите продолженија на седницата и треба само да се гласа.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com