Илјадници луѓе се очекуваат денеска во Србија на собирот на Српската напредна странка. Организираниот собир се смета за контрамитинг на протестите против насилство, на кои во неколку наврати излегоа граѓаните на улица.
„Српскиот претседател Вучиќ најави дека ќе зборува како претседател на Републиката. Ќе се обиде малку да го спушти тонот затоа што очигледно сфатија дека немаат проблем со опозицијата колку што имаат со општеството, односно со јавноста што се разбуди“, рече Зоран Гавриловиќ, политички аналитичар.
Властите велат дека никој нема да дојде под присила на собирот, но опозицијата тврди состојбата на теренот укажува оти има голем притисок врз вработените во јавните претпријатија за присуство во Белград. Утре пак, опозицијата во Србија организира свој протест.
