2.8 C
Skopje
Tuesday, December 7, 2021

„Случајот Галагер“ ќе доведе до смена на секретарот на американската морнарица

Најчитани вести

Американскиот министер за одбрана Марк Еспер побара оставка од секретарот за морнарицата Ричард Спенсер, во врска со случајот со припадникот на елитната единица „морнарички фоки“ обвинет за воени злосторства во Ирак.

Станува збор за случајот со десетарот Едвард Галагер, кој беше обвинет за воени злосторства извршени за време на неговата служба во Ирак во 2017 година. Тој беше ослободен од обвинение за убиство, но беше прогласен за виновен затоа што се фотографирал покрај телото на убиениот тинејџер, борец на Исламска држава, и потоа му беше одземен чинот.

Американскиот претседател Доналд Трамп го помилува и му го врати чинот и платата. Кога Трамп минатата недела дозна дека морнарицата планира повторно да го преиспита „случајот Галагер“ за да одлучи дали може да продолжи да ја носи значката која означува припадност во елитна единица командоси, тој повторно интервенираше.

Пентагон наведува дека Еспер побарал оставка од Спенсер кога дознал дека секретарот приватно им предложил на функционерите на Белата куќа дека доколку администрацијата престане да се меша во „случајот Галагер“, тој ќе се погрижи командосот да остане во елитната единица, иако Спенсер јавно и во Пентагон се залагал за дисциплинска постапка.

Трамп на Твитер најави дека ќе го номинира американскиот амбасадор во Норвешка, Кент Брајтвајт, за нов секретар на морнарицата.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com