16.8 C
Skopje
Tuesday, May 18, 2021

Сликата пронајдена во кујната на старица во Франција се продаде за 24 милиони евра

Најчитани вести

Сликата на италијански сликар од 13 век, Чимабуе (1272-1302), пронајдена во кујната на една старица во Франција која ја чувала како икона со сентиментална вредност, е продадена на аукција за 24 милиони евра.

Ремек-дело што му се припишува на Чимабуе беше откриено година и е продадено на анонимен купувач на аукција организирана од аукциската куќа Актеон во Санлис северно од Париз.Експертот за аукција Доминик ле Коан изјави дека продажбата претставува светски рекорд за дела пред 1500 година.

„Тоа е уникатна, брилијантна и монументална слика. Чимабуе е татко на ренесансата. Но, оваа продажба ги надмина сите наши соништа”, рече Ле Коан за Асошиејтед Прес.

Аукционерот ја забележал сликата во јуни, кога извршил увид во куќата на сопственикот во Компиње, во северна Франција и и предложил таа да ја донесе на експерти за проценка. Сликата висела на ѕидот помеѓу кујната и трпезаријата.

Станува збор за сликата Christ Mocked, која е дел од серијата слики од крајот на 13 век.
Старицата мислела дека сликата е икона. Експертите велат дека нема сомнеж за нејзината автентичност. На сликата биле извршени тестови со помош на инфрацрвена светлина за да се бараат сличности со други дела на италијанскиот сликар.

„Сликата е насликана од истата рака“, рекол експертот Ерик Рукин.Се верува дека сликата е дел од поголема сцена поделена на неколку панели, на кои е прикажан Исус Христос и неговото распнување.

Повеќе вести

- Advertisement -spot_img

Најнови вести