21.8 C
Skopje
Saturday, October 1, 2022

Славјанка Петровска: Ако побара НАТО, ќе испратиме македонски војници

Најчитани вести

Безбедносната состојба е стабилна, досега нема индикации дека врз Република Северна Македонија постои директна или индиреткна закана по нејзината безбедност, смета министерката за одбрана Славјанка Петровска.

Задолжение и надлежност на институциите од безбедносно разузнавачкиот сектор, како што изјави вечерва за Телевизија 24 министерката Петровска, претставува постојано да ја следат состојбата и да информираат за евентуална промена.

Петровска информира дека е стапено во контакт со сите наши граѓани кои се пријавиле дека се во моментов во Украина и „целта e кога ќе се создадат безбедни услови, да бидат донесени во државава“.

„За среќа, за нашите граѓани се обидуваме на безбеден начин преку МНР, како главен координатор во соработка со амбасадите, да се обезбеди безбеден коридор преку кој ќе можат да бидат донесени -информира Петровска.

Таа уште еднаш потврди дека се придружуваме на солидарноста на земјите членки на НАТО и на ЕУ за директна и практична помош на Украина.

Министерката посочи дека во моментот нема одлука за мобилизација на припадници на нашата Армија.

„Таква одлука се уште немаме донесено. Согласно механизмите на НАТО, дополнително доколку биде побарано од нас, ќе пратиме сили, до овој момент таква одлука не е донесена. Јавноста ќе биде информирана доколку донесеме таква одлука -рече Петровска.

Во однос на изјавата на рускиот претседател Владимир Путин дека „наредува да се стави на висока борбена готовност нуклеарните сили“, Петровска рече дека таа изјава се разгледува во рамки на НАТО структурите.

„Таа изјава се зема и се разгледува во рамки на НАТО структурите, но она што треба да се потсетиме е дека ние сме земја членка на НАТО и без разлика на нашите капацитети сме дел од големата Алијанса, така што директно не сме загорезни во тој дел и сме дел до колективниот систем за одбрана. НАТО таквите изјави ги следи и дава насоки за понатамошно постапување, сето тоа што се случува со санкциите и помошта кон Украина е во рамктие на таа политика на НАТО Алијансата -истакна Петровска

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com