4.8 C
Skopje
Thursday, October 28, 2021

СИРИЗА: Ако не беше Договорот од Преспа немаше да постои одбранбена соработка меѓу С. Македонија и Грција

Најчитани вести

Ја потсетуваме Владата дека причината што веќе постои договор за одбранбена соработка меѓу Грција и Северна Македонија, како и преземање на нејзината воздушна одбрана од грчки воени авиони, обука на специјалните сили, падобранци и нуркачи, обука за сајбер -одбрана и заеднички вежби на двете земји, е Договорот од Преспа, соопштуваат од грчката партија СИРИЗА, јави дописничката на МИА од Атина.

Соопштението доаѓа откако вчера, портпаролот на грчката Влада Јанис Иконому на редовниот брифинг со новинарите го коментираше потпишаниот договорот за воена соработка меѓу Северна Македонија и Турција и рече дека во пракса се покажува дека се наивни и површни ставовите дека Договорот од Преспа ќе претставуваше пречка за било каква соработка на Турција со Северна Македонија, додаде дека Грција го следи овој договор, но и спомена дека Скопје и Атина веќе имаат свој одбранбен договор.

-Изјавата на портпаролот на Владата дека Владата го „следи“ Договорот за одбрана Турција- Северна Македонија е недостојна за коментар, во момент кога самата Влада поткопува било каква можност за развој на стратешки односи со Северна Македонија, па такс го остава полето широко отворено за Турција, соопштуваат од СИРИЗА.

Од опозициската партија преку соопштението упатија критики до актуелната грчка Влада дека не е способна да ги брани националните интереси „поради нејзините внатрешни противречности, нешто што се рефлектира во проширувањето на турското влијание во регионот, како што е потврдено со неодамнешниот одбранбен договор на Северна Македонија со Турција“.

Паралелно, уште еднаш упатуваат критики дека Владата сè уште не ги има донесено за ратификација во Парламентот трите меморандуми со Северна Македонија.

-Впрочем, како може господинот Мицотакис да ги промовира националните интереси во Северна Македонија кога две години не ги носи за ратификација трите договори, под страв од господинот Самарас?, коментираат од СИРИЗА.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com