17.8 C
Skopje
Monday, August 15, 2022

Синоќа започна 52. издание на фестивалот Илинденски денови во Битола

Најчитани вести

Традиционално со „Комитското“ синоќа во Битола започна 52. издание на фестивалот на народни песни и игри „Илинденски денови“. Фестивалот за отворен го прогласи потпретседателот на Собранието.

  • Музиката, фолклорот и игрите, иако универзална цивилизациска категорија и дел од светското културно наследство, во исто време претставуваат и значајни елементи кои го дефинираат, чуваат и развиваат националниот идентитет на секој народ. Со тоа, тие стануваат вистинските амбасадори на културното богатство на својот народ. А секој народ има нешто посебно со што се гордее и што му ја грее душата, изјави Горан Мисовски, потпретседател на Собранието

Нашата вековна мудрост нė научи дека оној што ни задал низок удар веќе доволно се наведнал пред нас и се понижил и пред историјата и пред фактите, нагласи во својот говор министерката за култура.

– Ние песна не украдовме, ние песна подаривме. Ние оро не позајмивме, ние на оро повикуваме. На овој бел свет, верувам, не постои човек кој барем не слушнал колку е и „проста и строга“ македонската песна, колку е длабока македонската музика, колку е страствен, а тежок чекорот во македонското оро. И оттаму велиме,ако има некој што не ја знае и не ја разбрал нашата историја, нека ја запее нашата песна, нека го изигра нашето оро – тие ќе му кажат сė. Затоа, рече министерката Костадиновска Стојчевска, сцените на овој Фестивал нека побудат во сите нас топла и силна емоција и благодарност што можеме да уживаме во неа, рече Бисера Костадиновска Стојчевска, министерка за култура

Гости од Мексико, Колумбија, САД, Полска и десетици домашни ансамбли ќе го донесат националниот фолклор низ улиците на Битола.

  • Битола повторно е место од каде се навраќаме на минатото, но испраќаме порака за заедништво, соработка и меѓусебно почитување на различностите, изјави Тони Коњановски, градоначалник на Битола.
  • Илинденски денови ги преплетува старото и новото, изворното и стилството, науката и рпеданието, се труди да едуцира и инспирира, изјави Маја Андоновска Илијевска, дитекторка на центар за култура.

Пред отворањето низ Широк Сокак се одржа традиционалното дефиле на кое се претставија сите учесници на фестивалот.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com