19.8 C
Skopje
Wednesday, September 28, 2022

Селаковиќ: Србија самостојно носи одлуки

Најчитани вести

Србија се обидува да донесе целосно независни одлуки во однос на својата судбина, изјави денеска министерот за надворешни работи Никола Селаковиќ, додавајќи дека „во наши раце се постапките на Србија кога станува збор за одредени барања во процесот на евроинтеграциите“, јави дописникот на МИА од Белград.

„Ние не воведуваме санкции кон Руската Федерација, но она што ни е приоритетна цел е побрз европски пат, да го промениме општеството, да го зајакнеме владеењето на правото, да привлечеме што е можно повеќе инвестиции, да бидеме некој што сериозно ја одржува финансиската дисциплина во јавните финансии во исто време кога тоа не можете да го најдете во речиси ниту една земја во Европа“, изјави Селаковиќ за РТС.

Како причини за влезот на Србија во евроинтеграциите, Селаковиќ наведе дека речиси 65 отсто од трговијата се одвива со членките на ЕУ, дека најголемите инвеститори и индивидуални донатори се од ЕУ, оти Србија има стотици илјади работни места поврзани со компании во сопственост на членките на ЕУ, како и дека четири од осумте соседи се веќе во ЕУ.

Тој оцени дека Западот ќе бара од Србија да го признае Косово, за да можат да му кажат на рускиот претседател Владимир Путин дека нема правен преседан.

„Западот на одреден начин води политика која се движи кон тоа. Ќе се бориме да не оди во таа насока, ќе се бориме со сите дипломатски и политички средства, ќе се бориме уште посилно“, изјави Селаковиќ на РТС.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com