10.2 C
Skopje
Monday, November 29, 2021

Седум цивили загинаа при ракетен напад во Идлиб

Најчитани вести

При ракетен напад на сириските сили врз еден пазар во провинцијата Идлиб загинаа седум цивили, соопшти Сириската опсерваторија за човековите права.

Подрачјето каде се случи нападот е под контрола на џихадистичката група Хајат Тахрир ал Шам, поранешен сириски огранок на Ал Каеда. Таму се присутни и други помали бунтовнички групи.

Во Идлиб пред војната живееја околу три милиони жители, а од април до август во воздушните напади на сириските сили настрадаа околу 1.000 цивили, а речиси 400.000 се раселени од оваа сириска провинција.

Примирјето во Идлиб стапи во сила кон крајот на август, но оттогаш повремено се извршуваат воздушни напади.

Над 370.000 луѓе загинаа од почетокот на војната во Сирија. Конфликтот почна со репресија врз протестите на опозицијата во март 2011 година, а со текот на годините стана посложен со учеството на странски земји и разни џихадистички групи.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com