21.8 C
Skopje
Monday, August 2, 2021

Седници на четири собраниски комисии

Најчитани вести

Единствена точка на дневниот ред на Комисијата за труд и социјална политика е Предлог законот за изменување на Законот за социјалната заштита, во прво читање.

Во Собранието денеска седници ќе одржат комисиите за труд и социјална политика, за надзор над работата на Агенцијата за национална безбедност и на Агенцијата за разузнавање, за политички систем и односи меѓу заедниците, и за економски прашања.

Единствена точка на дневниот ред на Комисијата за труд и социјална политика е Предлог законот за изменување на Законот за социјалната заштита, во прво читање.

Комисијата за надзор над работата на Агенцијата за национална безбедност и на Агенцијата за разузнавање ќе ги разгледа извештаите за работа на одделот за внатрешна контрола при АНБ за 2020 година и за работата на АНБ за 2020 година, како и програма за работа на АНБ за 2021 година.

Комисијата за политички систем и односи меѓу заедниците има четири точки на дневен ред од кои првата е Предлог законот за преиспитување на факти и докази користени во судска постапка во прво читање поднесен од Павле Трајанов, Маја Морачанин, Мирослав Богдановски, Боби Мојсоски, Моника Зајкова.

На дневниот ред се и три законски решенија во второ читање – предлог законите за изменување и дополнување на Законот за управна инспекција, кој е по скратена постапка, како и за изменување и дополнување на Законот за патните исправи на државјаните и за лобирање.

Комисијата за економски прашања ќе расправа за предлог законите за изменување на Законот за енергетска ефикасност, по скратена постапка во второ читање, и за изменување и дополнување на Законот за едношалтерскиот систем и за водење на трговскиот регистар и регистар на други правни лица, во второ читање.

Повеќе вести

- Advertisement -spot_img

Најнови вести