14.8 C
Skopje
Monday, September 26, 2022

СДСМ реагира на блокадата на заемот на ЕСМ за преживување на енергетската криза

Најчитани вести

Координаторот на пратеничката група на СДСМ, Јован Митрески, реагира на предолгите дискусии на Комисијата за одбрана , особено сега кога околностите бараат брзи решенија.

-Сакам да има дискусии со аргументи, но очигледно таму има чиста злоупотреба само да се одлоговлечи времето за дискусија, нагласи Митрески.

Тој додаде дека СДСМ е подготвен да дискутира и за информации да се формира анкетна комисија за да се види што се случува сега и што се случувало во минатото во енергетскиот сектор, за да се отворат сите прашања кои се битни за граѓаните.

-Кога зборуваме за енергетската криза кај нас и во светот повикувам да се закаже Комисијата за финансирање за законот за задолжување на ЕСМ од 100 милиони евра, чија потреба е утврдена на 19.7, а денес сме 22.9 и уште не се дискутира. Очигледна е намерата да се донесе државата во неподнослива ситуација заради ситни политички поени, нагласи Митрески.

Тој потсети дека оние законски решенија кои и се важни на опозицијата, која сега има мнозинство во локалната самоуправа, поминуваат по брза лента, како што беше законот за поврзување на локални патишта.

-И ние ги поддржавме тие закони затоа што сите овде сме за граѓаните. Ова задолжување е за граѓаните, цел свет е во енергетска криза, така сме и ние и сите сме должни да излеземе во пресрет на граѓаните за да го пребродиме ваквото време на живеење, нагласи координаторот на пратеничката група на СДСМ, Јован Митрески.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com