Од СДСМ преку реакција испратена до медиумите, ја нарекоа „лажна“ анкетата на ИПИС, во која одговорите на анкетираните граѓани покажаа дека ВМРО-ДПМНЕ има предност во однос на владејачката партија, а пак Мицкоски ужива најголема доверба на граѓаните.
„По сите релевантни анкети како поминува времето рејтингот на ВМРО-ДПМНЕ драстично се намалува, градоначалниците од оваа партија се најголемо разочарување, Мицкоски менува ставови секој ден а Левица го зема опозицискиот примат.
Една таква анкета беше објавена пред неколку дена.
Оттука, јасно е дека на ВМРО-ДПМНЕ им е потребна нова лажна анкета за нова лажна надеж за Мицкоски“, порачаа од СДСМ.
„Анкети по нарачка на ВМРО-ДПМНЕ не може да ја покријат неработата на градоначалниците од оваа партија во изминатата година. Ниту фактот дека Мицкоски нема став за ниту едно важно прашање.
Граѓаните знаат како се спроведуваат нарачаните анкети.
Исто како што знаат дека овој институт и во 2020 година предидуваше победа на ВМРО-ДПМНЕ и коалицијата на парламентарните избори, па тоа не се случи. Напротив.
Медиумите објавија дека токму овој институт склучувал договори со државни институции во време на режимот на ВМРО-ДПМНЕ, како Агенцијата за вработување, Министерството за здравство и тн.
Ниту една лажна анкета нема да му помогне на Мицкоски кој никако да одговори за што е: за ЕУ или за Левица?“, прашуваат од владејачката партија.
