21.8 C
Skopje
Tuesday, June 15, 2021

СДСМ: ВМРО-ДПМНЕ шири лаги за иницијативата која треба да обезбеди дополнителни 250 милиони буџетски приходи

Најчитани вести

„ВМРО-ДПМНЕ шири невистини и лажни обвинувања за иницијативата за јавно приватно партнерство во Македонски Царини.

Не е во ред Гордана Кочоска Димитриеска, која се смета за економски експерт да ги плаши компаниите со зголемување на нивните трошоци, кога иницијативата за воведување на јавно приватно партнерство во Македонски Царини е во почетна фаза, а бизнис моделот се разработува од мешовита работна група во која членуваат надлежните државни институции, вклучително и коморите.

Сега се разгледуваат сите аспекти на овој бизнис модел, кој е пракса во повеќе европски држави, приватни компании да вршат следење и маркирање на акцизните стоки, па дури потоа би следеле евентуални законски измени, кои би ги создале предусловите за спроведување на јавно приватно партнерство во оваа сфера“, реагира СДСМ на прес-конференцијата на Гордана Димитриеска-Кочоска од ВМРО-ДПМНЕ.

„Првичните проценки упатуваат дека преку имплементацијата на овој бизнис модел во Македонски Царини, само по овој основ ќе се обезбедат дополнителни 250 милиони евра, Буџетски приходи на годишно ниво.

При реализација на ова јавно приватно партнерство, Македонски Царини нема да изгубат дел од своите надлежности поврзани со маркирање на акцизните стоки, туку ќе добијат кредибилен партнер за зголемување на постоечките капацитети за остварување на поголеми приходи од акцизните стоки.

Постапката е максимално транспарентна и јавноста во секоја фаза ќе ги има сите информации за сите аспекти на иницијативата.

Владата предводена од СДСМ посветено се бори против сивата економија и злоупотребите на институциите, кои без заштитен знак на владеењето на ВМРО-ДПМНЕ“, се вели во реакцијата на СДСМ.

Повеќе вести

- Advertisement -spot_img

Најнови вести