14.8 C
Skopje
Thursday, October 21, 2021

САД СЕ УБЕДЕНИ ДЕКА СКОПЈЕ И ТИРАНА ЌЕ ГИ ПОЧНАТ ПРЕГОВОРИТЕ Ескобар оптимист дека ЕУ ќе ги отвори вратите

Најчитани вести

Американскиот заменик-помошник државен секретар за европски и евроазиски прашања Габриел Ескобар на онлајн средба со бугарските медиуми изјави дека САД се надеваат оти Северна Македонија и Албанија ќе ги започнат преговорите за членство со ЕУ во текот на оваа година.

Ескобар нагласи дека САД се убедени оти Северна Македонија и Албанија направија важни, понекогаш и болни реформи, за да се придвижат кон членството во Европската унија.

Затоа, според него, двете држави заслужуваат преговорите да ги започнат што е можно поскоро.

– Се надевам дека сите европски држави ќе ја разберат стратешката важност од тоа да им дозволат на овие две држави да ги започнат преговорите за членство. Се надевам дека Европската унија, како и одделните земји членки, ќе ја осознаат стратешката важност на европската интеграција на балканските држави – порача Ескобар.

Тој ја коментираше и ситуацијата во Босна и Херцеговина, при што предупреди дека заканите на босанските Срби за отцепување од БиХ претставуваат прекршување на Дејтонскиот мировен договор и тоа само ќе ги доведе до „изолација и економски очај“.

Ескобар нагласи и дека САД остануваат силно посветени на зачувување на суверенитетот и територијалниот интегритет на Босна и Херцеговина.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com