0.8 C
Skopje
Sunday, January 23, 2022

САД одбележуваат 20 години од терористичкиот напад во Њујорк и Вашингтон

Најчитани вести

Во САД денеска се одбележуваат 20 години од терористичкиот напад извршен на 11 септември 2001 година во Њујорк и Вашингтон, кога загинаа речиси 3.000 лица.

Нападите се случија кога терористи киднапираа четири авиони од кои два удрија во кулите близначки на Менхетн, еден во Пентагон, а четвртиот се сруши во руралниот дел од Пенсилванија, бидејќи патниците пружиле отпор.

Одговорност за нападот презеде Ал каеда, чијшто лидер, Осама бин Ладен, беше убиен 10 години подоцна во Пакистан.

Американците традиционално ја одбележуваат годишнината со читање на имињата на загинатите на местото каде што се урнати кулите близначки. Исто така, се одржува и шестминутен молк. Четири минути го симболизираат точното време кога четирите авиони удриле во кулите близначки, Пентагон и Пенсилванија, а останатите две ги претставуваат моментите кога се урнале северната и јужната кула на Светскиот трговски центар.

Кулите се урнале за два часа од ударот на авионите, а во нив загинале 2.606 луѓе, меѓу кои 343 пожарниари и 60 полицајци. 125 луѓе загинале во нападот врз Пентагон.

Загинале сите луѓе во сите четири авиони, вкупно 256, вклучувајќи и 19 киднапери.

Вкупно загинале 2.983 луѓе, државјани на 77 земји во светот.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com