САД им продава оружје на Индија и Мароко во вредност од над пет милијарди долари

0

Американскиот Стејт департмент одобри продажба на оружје на Индија во вредност од 1,21 милијарди долари и на Мароко во вредност од 4,25 милијарди долари.

„Министерството за надворешни работи одобри на Индија да ѝ се продадат 13 парчиња морнаричко оружје од типот МК-45 и соодветна опрема во вредност од 1,21 милијарди долари“, се наведува во соопштението на Агенцијата за безбедносна соработка на САД.

Се нагласува дека за оваа продажба е известен и американскиот Конгрес, кој има право на приговор во рок од 30 дена.

Во друго соопштение е наведено дека Стејт департментот одборил продажба на 36 хеликоптери од типот АХ-64Е Апач, на Мароко, во вредност од 4,25 милијарди долари.

Претходно беше објавено дека оваа северноафриканска држава сака да ги купи хеликоптерите уште од 2018 година. Американските медиуми пренесуваат дека Мароко размислувало за купување на турски борбени хеликоптери Т129 АТАК.

Мароко, исто така, планира да купи 551 АГМ-114Р Хелфајр ракета, АГМ-144Л Хелфајр ракета како и АИМ-92Х Стингер ракета.