16.8 C
Skopje
Monday, October 3, 2022

Русија префрла единици од Грузија во Украина за да ги дополни силите, вели украинската војска

Најчитани вести

Генералштабот на вооружените сили на Украина на Фејсбук објави дека Русија префрлила единици од базите во Грузија во Украина со цел да ги надополни вооружените сили.

Британската воено-разузнавачка служба соопшти дека руските единици, кои претрпеле големи загуби во Украина, биле принудени да се вратат дома и во соседна Белорусија во обид да се реорганизираат и да ги надополнат залихите.

Русија веројатно ќе продолжи да ја компензира својата намалена способност за маневрирање на копно со масовни артилериски и ракетни напади, додаде службата, како што пренесува Ројтерс.

Русија почна да преместува мал број војници од позициите околу украинската престолнина Киев, соопшти Пентагон и оцени дека тоа повеќе е промена на позицијата отколку повлекување.

Портпаролката на Белата куќа Кејт Бедингфилд изјави дека Русија ги прераспоредува своите војници во Украина, а не ги повлекува, пренесува Ројтерс.

„Дали имаше движење на некои руски единици од Киев последниот ден или нешто слично? Да, мислиме дека имаше. Мал број“, рече портпаролот на Пентагон Џон Кирби на брифингот со новинарите.

Тој смета дека тоа било репозиционирање, а не вистинско повлекување.

„Затоа сите треба да бидеме подготвени за голема офанзива во другите области на Украина. Тоа не значи дека заканата за Киев е завршена“, рече Кирби.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com