-2 C
Skopje
Sunday, January 17, 2021

Разбиена мрежа на педофили, снимале силување бебиња, уапсени 33 лица во 11 земји

Најчитани вести

Заедничката акција на полициските сили во дури 11 држави доведе до апсење 33 лица осомничени за малтретирање деца, прикажување, добивање и поседување порнографски материјал и искористување малолетни лица за порнографија.

Во Шпанија се уапсени 17 лица, меѓу кои има и малолетници, кои на апликацијата „Вацап“ во група споделувале порнографски фотографии и видеа во кои се вклучени деца.

На некои снимки се прикажани силувањата на многу мали деца, од кои најмладите имале само неколку месеци, а најстарите имале 12 години.

Две лица се уапсени во Уругвај. Меѓу нив е и мајка, која е осомничена дека сексуално ја малтретирала својата ќерка и снимала сè, а потоа ги праќала снимките во група.

Полицијата исто така уапсила маж (29), кој ги охрабрувал членовите на групата да им се јавуваат на девојчиња и потоа да испраќаат материјали.

Шпанската полиција ја следи оваа група веќе две години, а во истрагата се вклучени Европол и Интерпол.

Покрај Шпанија и Уругвај, апсења имало и во Велика Британија, Перу, Индија, Италија, Франција, Пакистан и во Сирија.

Повеќе вести

- Advertisement -

Најнови вести