Home » Радев: За С. Македонија е важно Бугарија да се придржува до националната рамковна позиција

Радев: За С. Македонија е важно Бугарија да се придржува до националната рамковна позиција

by Журнал.мк

За Бугарија е исклучително важно да се придржува до националниот рамковен став во својата надворешна политика кон Република Северна Македонија, до декларацијата на Парламентот, до консензусот постигнат од Советодавниот совет за национална безбедност. Ова им го порача шефот на државата Румен Радев на бугарските новинари при посетата на Португалија.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информациии професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

– Се надевам дека ќе ја задржиме оваа политика, бидејќи тоа е единствената гаранција дека имаме одржливост и неповратност на интегративниот процес на Република Северна Македонија, додаде претседателот.

Темата за евроинтеграциите на Западен Балкан беше истакната и на вчерашната средба на шефот на државата со неговиот португалски колега Марсело Ребело де Соуза, одржана во Порто. Потоа, Радев посочи дека Бугарија веќе изразила безрезервна поддршка за Албанија за почеток на преговорите, но на Република Северна Македонија ќе и треба повеќе време за да ги исполни потребните барања.

– Шефот на државата го коментираше и случајот со блокираниот брод со бугарски морнари на пристаништето Мариупол, Украина. Не треба да се сомневате дека владата и одговорните институции прават се што е можно за да се обезбеди здравјето, безбедноста и евакуацијата на нашите морнари, рече Румен Радев во врска со евакуацијата на бугарските морнари од бродот „Царевна”. Во моментов е подобро да се ограничат разговорите на оваа тема доколку сакаме оваа операција да помине безбедно, додаде шефот на државата.

На новинарско прашање за извештајот на американскиот Стејт департмент за 2021 година, во кој се земаат предвид проблемите на нашата земја со корупцијата и кршењето на човековите права, претседателот рече дека борбата против нив бара континуирани напори. На сите ни е јасно дека ќе биде потребно многу време и труд за да се справиме со злобниот модел на управување што го отфрлија бугарските гласачи, смета Румен Радев.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More