24.8 C
Skopje
Tuesday, May 24, 2022

Протести против формирање малцинска влада во Подгорица

Најчитани вести

Дел од министрите во Владата на Црна Гора се приклучија на синоќешните протести на граѓаните кои се против најавеното формирање малцинска влада предложена од актуелниот вицепремиер и лидер на Граѓанското движење УРА Дритан Абазовиќ. Во Собранието на Црна Гора на 4 февруари е закажано гласање за недоверба на актуелната Влада. Од поднесувањето на иницијативата на 19 јануари за изгласување недоверба на Владата на Здравко Кривокапиќ, во Подгорица и во неколку други градови се одржуваат едночасовни вечерни протести на кои присуствуваа неколку стотици граѓани, но чии организатори не ги идентификуваа самите себе.

Демонстрантите се противат на можноста идната влада да биде поддржана од опозициската Демократска партија на социјалистите Мило Ѓукановиќ. На собирот пред Јавниот сервис на радио-телевизија на Црна Гора на 21 јануари, насобраните го навредуваа вицепремиерот Дритан Абазовиќ, кој дојде да се појави во телевизиската емисија. Навредите врз национална основа предизвикаа и бројни реакции кај невладиниот сектор и дел од политичките партии. Протестите беа поддржани со присуство на Демократска Црна Гора и претставници на помалите партии од Демократскиот фронт.

Повеќе вести

- Advertisement -spot_img

Најнови вести

WP2Social Auto Publish Powered By : XYZScripts.com