Риза Азиз, продуцентот на хит филмот „The Wolf of Wall Street“ со Леонардо Дикаприо, е уапсен по обвинение за перење пари преку инвестициски фонд што го основал таткото на неговата сопруга и поранешен премиер на Малезија, Наџиб Разак.
Азиз беше уапсен вчера од агенти на малезиската Антикорупциска комисија, но набрзо беше пуштен со кауција и се очекува денеска да се појави пред суд.
Азиз е коосновач на Red Granite Pictures, продуцентска компанија што работеше на „Wolf“ на Мартин Скорсезе во 2013 година, а беше и копродуцент на „Dumb and Dumberer 2“ и„Daddy’s Home“.
Компанијата перела пари од Good Star, компанија поврзана со финансиерот во бегство Ло Таек Џо и 1Malaysia Development Berhad (1MDB).
