23.8 C
Skopje
Friday, June 25, 2021

ПРЕМИЕРА: Citroën го претстави својот знаменосец – новиот C5 X!

Најчитани вести

Citroën тукушто го претстави својот нов знаменосец – кој оди чекор понатаму и нуди несекојдневна, храбра и супер-комфорна комбинација од седан, караван и SUV.

Со новиот C5 X, Citroen не само што влече инспирација од CXperience концептот од пред неколку години, туку ги зема и дизајнерските насоки од новиот C4 и ги носи во нов екстрем. Ако новиот C4 е интересен купе-кросовер, тогаш C5 X е вистински „кршач на сегменти“ бидејќи комбинира дизајнерски елементи од седан, купе-кросовер, караван и SUV. Новиот знаменосец на Citroen е долг 4805 милиметри, широк 1865 милиметри и висок само 1485 милиметри – несекојдневни и динамични пропорции за автомобил од било која класа.

На предниот дел едноставно доминираат комплексните форми на предните светла и отворите за воздух. Профилот е каравански со опаѓачка кровна линија, а на задниот дел примарниот фокус оди кон задните светлосни групи и гордо-поставениот знак на Citroen. Дополнително, на профилот препознаваме „отсечени“ елементи кои за прв пат ги видовме кај C4, а сега гледаме уште похрабра и поинтересна изведба од нив.

Инаку, C5 X ќе се нуди со плаг-ин хибриден погон, или пак со бензинец. Врвната изведба добива плаг-ин хибриден погон со вкупно 225 коњски сили. Оваа изведба може да вози до 135 километри на час на електрична енергија и има автономија „на струја“ од 50 километри. Секако, сите верзии на C5 X ја добиваат новата Advanced Comfort суспензија на Citroen, додека плаг-ин хибридните модели ќе добијат уште понапредна, Active верзија на овој систем.

Приказната за комфор и опуштеност продолжува и во кабината – C5 X доаѓа со Advanced Comfort седишта, како и грст нови врвни технологии. На централната конзола е поставен нов, 12-инчен мултимедијален уред, пред возачот е поставен напреден хед-ап дисплеј во боја кој на ветробранското стакло ги проектира сите потребни информации, а тука се и сите системи за активна и пасивна безбедност.

Од Citroen кажуваат дека новиот знаменосец ќе започне да се продава до крајот на оваа година.

Повеќе вести

- Advertisement -spot_img

Најнови вести