Home » Прашањето за ветото за Македонија не треба да оди на референдум, велат од партијата на Петков

Прашањето за ветото за Македонија не треба да оди на референдум, велат од партијата на Петков

by Журнал.мк

Прашањето за повлекување на ветото за приклучување на Македонија во ЕУ не треба да оди на референдум, смета Андреј Ѓоров, раководител на пратеничката група на најголема партија во бугарскиот парламент „Продолжуваме со промената“ на премиерот Кирил Петков.

Како што пренесува дописикот на МИА од Софија, според Ѓоров, тргањето на ветото зависи од конкретни дејствија и гаранции од Европа и од Македонија.

Во изјава за БНР, тој вели дека ако има промена на таквата позиција на Бугарија, тогаш за неа ќе биде потребна заедничка одлука во парламентот, во владината коалиција, но и надвор од неа во рамките на Советодавниот совет за национална безбедност.

– Бугарија многу јасно кажа дека нејзин национален интерес и интерес на ЕУ е Западен Балкан да се приклучи на европското семејство. Треба да направиме разлика помеѓу зборување за интеграција и работа за интеграција. Мислам дека тука разликата помеѓу претходната и сегашната влада е навистина голема. Во последните месеци се постигна многу за непредок во односите во споредба со претходните години, кога бевме во позиција на чекање, дури и во очекување процесот да пропадне – рече Ѓоров.

Тој уште еднаш повтори дека за ветото кон Скопје не треба да се решава на референдум.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More